الادخار بطريقة سَلِّف ولاتستلف

 

   

الادخار   بتسليف من حولك  والربح  الجيد  منهم

طريقه ادخاريه جميله جدا ومربحه بشكل طيب 

مثال:
    لو فرضنا  ان صاحبك  محتاج   سلعه ب3000 دك  
وانت عندك هالمبلغ  
    فكيف تسلفه  هالمبلغ وتربح  لك  نسبه هامشيه  ثابته   ؟  
 فالحل انك:
تشتري  له  هالسلعه  كاش   وتبيعها عليه بالتقسيط  بقيمة  3500 دك 
إذن بهالحاله 
- انت ادخرت راس مالك   صافي 
- وربحت   عليه500   دك
- وساعدت زملاءك ومعارفك  
- وهم رَبّحُوكْ   نظير   مدة انتظارك لهـ السداد   الشهري الثابت  
ممتااااز جدا
اذن  هالفكره   مربحه ماديا ومعنويا 
وأساسا  لواقترضوا من  البنك   فبتدبل3000 لـ 6000 مابين أصل القرض وفوايده لسنين  وسنين!
  هالنوع من الادخارات يسمى  ادخار استثماري    
    وهكذا

  تكون حفظت أموالك   واستثمرتها ونميتها  بشكل حلو  جدا ويرضيك 
ولاراح يضرك   سواء هالربح  كان 500 أوأقل أواكثر

    
وقس على ذلك:  

 احتياجاتهم  من سياره  من حجوزات  قاعات أفراح  من  روس غنم 
    من ديكور   من ساعات  من أجهزه كهربائيه
وموبايلات ولابات    وأسهم واكتتابات 
  الخ  الخ 

وانت وشطارتك باستغلال الفرص والدعايه اللي تحفزهم  وتشجعهم 
للسلف منك 
فاصنع  هالفرص  لهم تكون خلقت  لنفسك  استثمار جيد 

1)تكون ماخليت بنفسهم شي

  2)وكـ سبت   صداقتهم للأبد  لأنك بتلبي   احتياجاتهم للأبد
3)واللي يبي مهر سلف   بينك وبينه سلعه تشتريها له كاش   وهو يبيعها  ويستفيد قيمتها  ويقاسطك شهريا 
4)وايضا قس على ذلك   الموظفات   وذات هاللوازم   في الخليج ككل 
من معارف  وأهل  ومعارفهم  
فيكون خيركم بينكم  وكلكم مستفيدين من بعض   ومحد له مِنَّهْ على الثاني 
5)وقس على ذلك
عمالة المحلات واللي يبون سلع وبضايع باستمرار       
  المهم :
انك تحصل  أموالك  بشهود وتحويل من حسابهم لحسابك 
فتنجز أمورك بالبنك
  بشكل مرتب  ورسمي والوجه من الوجه أبيض 
وهالشي أحسن من انك تسلفهم كاش  وتطارد وراهم  شهريا   لأنهم ماسددوا لك   كاش 
فـ خل :
 أمورك   الماديه مرتبه  مع الكل  من غير استثناء 

 سواء  معارف اصدقاء  عمال  ديون سلفيات  الخ 
هذي  التجاره   الغانمه    واللي ربحها بَيِّنْ   
  ولو فرضنا  سنويا  تسلف 8  أشخاص  بنفس الطريقه  
مهما اختلف سعر السلع اللي محتاجينها   فبضاعه ب700 وسلع ب900  وسلعه ب1000 الخ 
فربحك  السنوي   500*8 =4000 دك   صافي    
وهكذا
 تكون لقيت لنفسك مصدر دخل ثاني   واستثمرت  مدخراتك  وراتبك ايضا بشكل  جيد  وناجح ومضمون 

بهالحاله تكون طلعت من دائرة   الادخار  البطئ   لفضاء الاستثمار المضمون والسريع 
انتهى
وانتظروني في مواضيع ادخاريه أخرى باذن الله

 

 

 

 

الإدخار البسيط جداااااا

الإدخار البسيط جدااا يبدأ :

من20دك شهريا أو25د أو30 وتقف عند35د  

في الواقع هي أرقام بسيطه جدااا   

ولوحسبناها  بالسنه   بتكون كالتالي:

20د*12 شهر = 240دك

25د* 12= 300

30*12=360

35 *12= 420   

جدواها:

1)انها بسيطه ومقدور عليها وثابته وهذا الأفضل 

2)منوعه فتختار منها اللي يناسبك 

3) تعتبر أساس ادخاري حلو جدا

+

1)من بعدها تضيف اللي يزيد من مصروفاتك وراتبك     الخ

2)فانت أوجدت لنفسك أساس ادخاري غير مكلف وقابل للزياده باستمرار  

3)بعدها حطهم بسهم اكتتابي   

4)تكون ادخرت الأقل واستثمرته 

وهكذا باستمرار    

هالطريقه:

1) بتنوع وتزيد أسهمك  

2)وتحفزك للادخار والاستثمار  

3)تخليك تقدر قيمة هالمبالغ وتراكمها المستمر  

4)فمن لاشئ خلقت لنفسك فرصه ادخاريه جيده وفرصه استثماريه متناميه 

الطريقه تناسب:

 المديونين -واللي التزاماتهم الماليه كثيره-

  واللي رواتبهم قليله   

والمسرفين  

واللي يبنون بيوت 

واللي ينطرون دورهم بالإسكان  

وهي مجرد عتبه أولى لتشجيعك على حسن التصرف بهالمبالغ المتاحه شهريا  

مع الوقت بتلقى كمية أسهمك زادت بشكل طيب 

وتقدر تبيع جزء منها متى مااحتجت   

والعكـ س صحيح

فلو كنت مسرف والتزاماتك كثيره ولاادخرت لا20 ولا30 ولاولا

المحصله:

بدال لاترجع لأسهمك هذي بتضطر اتسلف وتسدد وترهق نفسك زياده  

فابدأ بهالحل البسيط  والغير مكلف

   واختر أسهمك بأي  دوله خليجيه ونوّعها 

وهكذا

كل سنه  من بلد

بهالفرضيه  بتقدر تدخر  لـ 500  د    وتحولها أسهم سنويا 

انتهى

وانتظروني في مواضيع ادخاريه  أخرى بإذن الله

　

 

للوصول لباقي مواضيع المدونه

اضغط  أيقونة رساله  اقدم 

عدد المواضيع للآن8   

ودمتم  كما تحبون

تعلم كيف تصرف وكيف تتصرف لتدخر باستمرار

 

        

 

بداية حدد لوازمك وطلباتك ومايناسبها من فئات نقديه

مثلا :

مشترياتك لهذااليوم يناسبها من 12لـ15 دينار

اذن :

يناسبها فئة10دك وفئة من1ل5 دنانير

بعكـ س لواستعملت فئة 20 دك وزاد 8دنانير وهدرتهم وراحت ال20 د كلها

مثال ثاني:
مطاعم البيت يناسبها 7.5 و6.5 اذن فلاتخرد 10 ولا20 ولكن استعمل فئة الدنانير والأنصاص

بذلك لن تهدر باقي ال10وال20

بالنتيجه :

ستحتفظ الفئات الكبرى بنفسها وقيمتها باستمرار

لذلك رتب طلباتك ولوازمك والتزاماتك
 واخرد لها فئات تناسبها تماما لاتزيد ولاتنقص

بذلك لن تحتاج لأن تخرد الفئات الكبرى 10و20 و5 وتهدر بواقيها

الطريقه ممتازه للادخار والصرف على قد مايحتاج الموقف وبس

وقس على ذلك :

البنزين مصروف بقاله ومدارس ومطاعم وهالإمور الخفيفه

وطبعا العكـ س هو الصحيح:

لويوميا تخرد10 و20 على طلب بقاله ب1.500 دك

فمعناها :

ماراح تهتم بالباقي وتهدره على أشياء ماانت محتاجها أساسا

مامعناه :

انك شهريا بتهدر من150دك ل220دك بنفس هالطريقه

فشنو أحسن تهدرهم أوتحتفظ فيهم ؟؟

أكيد تحفظهم أحسن

طبعا طرق الهدر كثيره والكل مبدع فيها

وهذي وحده منهم

فمع بداية كل شهر جدول هالطلبات وأسعار مطاعمها وسلعها وجهز لهم من هالفئات اللي تناسبهم

طبعا حسبتك بتكون تقديريه
 بناءا على حسبة ذات الطلبات بالأشهر اللي فاتت

فانت
قارن

ووازن

وطبق هالطريقه في حال كانت تناسبك

الطريقه الثانيه:

احسب تكاليف الماجله (طلبات الشهر من لحوم وخضره وعيش ووو)

واحسب تكاليف المطاعم اليوميه

واحسب كم وجبه بالشهر من المطعم - وكم وجبه بالشهر من البيت

ولواطلعت طلبات المطعم هي الأكثر رغبه على الريوق والغدا والعشا ومابينهم من التسالي وخلافه

فلااتعب نفسك وتشتري ماجله ب200 أو300دك شهريا و50دك اسبوعيا

وتنطبخ وتنقط ولاأحد ياكلها

ووفر هالمبلغ وادخره :

بحساب الطلبات والأطعمه المنزليه والضيافه

واكتف بمصروفات المطاعم من عصاير ووجبات وحلويات وفواكه وآيس كريم قهوه دونات وألبان الخ واللي توصل بحدود300دك شهريا تقريبا

بهالحاله:

1)تكون ماخليت شي بنفوسهم

2)وقفت الهدر على الطعام المنزلي اللي ينشرى وينطبخ ومحد ياكله

3)اكتشفت لنفسك باب ادخار حلو وجيد جدا

واذا :

جوووك ضيوف  فعندك حساب لطلبات البيت والضيافه جديد وبقراطيسه

4) تكون وازنت مابين رغباتهم الصريحه وهدرك الصريح

وصححت غلطتك بشكل موفر وممتاز

5) تقدر اتطبق هالفكره على الميزانيه الإسبوعيه بشكل حلو ومرتب
مثل ماقلنا بموضوع سابق بحيث ان5أيام مشتريات - ويومين اجازه مجانا

6) جربها لمدة 3 أشهر
واذا كانت نتايجها معاك صح فاعتمدها على طول وصحح فيها باللي يناسب لحظتك اللي انت عايشها

والله انا طبقتها وانجحت معاي 100% ولله الحمد

وكنت اشتري من مركز سلطان كراتين حلويات وأجبان وألبان ومشتقاتها ووواللي يطري ببالكم

ويدش الشهراللي بعده ومانقص منها الأ تواريخ انتاجها وصلاحيتها

وماآخذ منها غيرذنوبها

والهدر اللي بلامعنى وكأني قاط قيمتهم بالزباله أكرمكم الله

فطلبت من الله يعيني ويرشدني لتفادي هالهدر وذنوبه

وفعلا

قررت اني مااشتري هالأشياء واكتفي بميزانية المطاعم من الى

والحمد لله حتى ميزانية المطاعم صار يبقى منها  فائض حليو

وانتم أدرى برغبات عيالكم ومطاعمهم

وعندك فونك وكشكول حساباتك وقارن ووازن وعدل وطور بخططك باستمرار

فلو فرضنا ان ميزانية الأطعمه المنزليه 420 دك وميزانية المطاعم 450 دك

المجموع: 870دك

وبهالطريقه تكون وفرت 420 دك حلوين جدا
وحتى لوالفرق 100د  فايضا تمام
وكل اللي عليك انك تختار مطاعم جيده تبيع موالح وحلويات واطباق اساسيه وعصاير واللي تحتاجه لوجباتكم

مثلا مطاعم المندي والنثري والباستا والمكرونات :

توفر لك وجبة غدا وسلطة روب وسلطات ثانيه وألبان ومشروبات غازيه

فتعتمدها للغدا طبيعي

محلات الفطاير والشطاير والعصاير:

توفرعصاير وآيس كريم وشبسات أنواع وألبان وذره ونفيش ومشروبات ساخنه وبارده وكنافه ومحاشي

سمبوسات كبب الخ الخ

واي طبق ببالك

لان غلطة البعض انه مايعلن عن أكلات ومشروبات مطعمه

الا لو سالتهم جاوبوك

فتعتمدها لوقت العصر والمغرب والتسالي

محلات الترويقه: للريوقات أكيد

والعشا : براحتكم مشويات بيتزات وجبات

التسالي ايضا تطلب كيكه يوم طبق حلويات مشكل يوم الخ

وهكذا كل يوم نوع وكل يوم مطعم

وحتى المشروبات الساخنه بعد يوصلونها لعنوانك

سواء قهوه عربيه موكا اسبريسو الخ الخ

وهالخدمه موجوده من سنوات 

1)وطبعا لوقارنت مجمدات الجمعيات ومجمدات المطاعم فهي هي بالنتيجه

لأن البعض بيقولك طازج وماطازج فانت قارنها من هالنقطه

2)وطبعا الطريقه بتوفر غاز وكهربا عصاره وخلاطه الخ وتوفر وقت وماي وصابون غسيل المواعين

3)وتقلل المشاكل مابين الأزواج إلاليش طبختي وليش ماطبختي وهالسوالف

فتشتري دماغك

والثلاجه تكون للبسكويتات وكريم كراميل وحليب وهالامور

لان اللي بيبطل الثلاجه يدور شي حلوفي الغالب

وهذي ان شريتها بالحبه والا بالكرتون فماراح تكلف نهائي

4)بيكون المطبخ بس للشاي والقهوه والكرك

بالنهايه
 كلها طرق لوقف الهدر وخلق طرق ادخاريه جيده تساعدك تحافظ على أموالك وحسن التصرف فيها

لتكون انت المستفيد دوم

فاللي اقصده:

انكم  لاتخلون ميزانية الأكل ميزانيتين شي للبيت وشي للمطعم

 ولكن خلوها ميزانيه وحده  أوفر لكم وعن الهدر وذنوبه  

وعموما الطريقه :

تناسب  الأسر الصغيره  واللي عددهم بسيط

واللي ببداية حياتهم

ولاحظوا  ان كل حديثي الزواج أواللي عليهم حجز  بالدوام أكلهم من المطاعم باستمرار

مع ذلك يترسون الثلاجه  طول الشهر 
 فهذا  تناقض  وسوء تصرف وهدر  يكررونه باستمرار
ودايماوابدا لاتنسيك معاميع الحياه مجالب الرزق واللي هي هالأربع أمور:

انتهى

وانتظروني في مواضيع ادخاريه أخرى باذن الله